मालेगाव (जि. नाशिक) : प्रधानमंत्री किसान योजनाची अंतिम मुदत ७ सप्टेंबरपर्यत आहे. त्यासाठी एकही शेतकरी अनुदानापासून वंचित राहणार नाही याची दक्षता महसुल, ग्रामविकास विभागाने घ्यावी असे निर्देश खनिकर्म व बंदरे मंत्री दादा भुसे यांनी येथील आढावा बैठकीत दिल्या. (Pradhan Mantri Kisan Yojana deadline till 7th September Nashik Latest Marathi News)

मंत्री भुसे म्हणाले, की योजनेच्या लाभासाठी शेतकऱ्यांची ई- केवायसी कागदपत्रांची पूर्तता वेळेत पूर्ण करावीत. प्रधानमंत्री किसान योजना प्रत्येक गावाच्या शेवटच्या शेतकऱ्यांपर्यंत पोहचविण्यात यावी. उदिष्टपूर्तीतेसाठी प्रत्येक गावात महसुल व कृषि विभागाने शासकीय प्रतिनिधी नेमावेत.

एकही शेतकरी लाभापासून वंचित राहिल्यास त्यागावातील शासकीय प्रतिनिधीवर त्याची जबाबदारी निश्‍चित व संबंधितावर कडक कार्यवाही करावी. संजय गांधी योजनेच्या लाभाचे पैसे संबंधितांच्या बॅंक खात्यावर तत्काळ जमा करण्याच्या सूचना श्री. भुसे यांनी या वेळी संबंधितांना दिल्या. प्रांताधिकारी विजयानंद शर्मा यांनी आभार मानले