Nashik Crime News : घोटी (ता. इगतपुरी) येथील पॅकेज्ड ड्रिंकिंग वॉटरची निर्मिती करणाऱ्या कंपनीवर अन्न व औषध प्रशासनाच्या पथकाने कारवाई करत एकूण चार लाख २६ हजार ४८८ रुपये किंमतीचा मुद्देमाल जप्त केला.
सहाय्यक आयुक्त (अन्न) सी. लोहकरे, गो.वि.कासार यांच्यासह पथकाने ही कारवाई केली. (Raid on drinking water manufacturing company in Ghoti nashik crime news)
घोटी येथे साईमेवा फुड अॅण्ड बेव्हरजेस नावाची पॅकेज्ड ड्रिंकिंग वॉटरची निर्मिती कंपनी आहे. पॅकेज्ड ड्रिंकिंग वॉटरची निर्मिती ही विना बीआयएस प्रमाणपत्र तसेच आक्षेपार्ह लेबल असल्याची माहिती अन्न व औषध विभागास मिळाली.
त्यानुसार सहाय्यक आयुक्त (अन्न) सी. लोहकरे, गो.वि.कासार यांच्यासह पथकाने याठिकाणी छापा टाकत मालाची तपासणी केली असता पॅकेज्ड ड्रिंकिंग वॉटरची निर्मिती ही विना बीआयएस प्रमाणपत्र तसेच आक्षेपार्ह लेबल असल्याचे आढळून आले.
असुरक्षित पॅकेज्ड ड्रिंकिंग वॉटर असल्याने विभागाने पाण्याचे नमुने ताब्यात घेत प्रयोगशाळेत पाठविले. यावेळी पथकाने याठिकाणाहून पॅकेज्ड ड्रिंकिंग वॉटरच्या एकुण २१ हजार ३२४ पॅक बॉटल्स, छापलेले लेबल, २६ रोल्स असा साठा जप्त केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.