Nashik Fire Accident : सिन्नर शिर्डी राष्ट्रीय महामार्गावर पाथरे शिवारात जालन्याहून मुंबईकडे जाणाऱ्या आयशर टेम्पोने पेट घेतल्याची घटना सोमवारी दुपारी दोन वाजेच्या सुमारास घडली.

शॉर्टसर्किट होऊन वायरिंग पेटून धूर निघू लागतात चालक व त्याच्या सहकाऱ्याने ट्रक रस्त्याच्या कडेला उभा करून खाली उड्या मारल्याने जीवित हानी टळली. (running truck caught fire on Sinner Shirdi highway Nashik Fire Accident)

जालना येथून मुंबईच्या दिशेने जाणारा आयशर टेम्पो क्र . एमएच 04 /LE 9514 पाथरे येथील महावितरण कार्यालयाच्या समोरून जात असताना वायरिंग पेटून चालकाच्या केबिनला आग लागली.

चालकाने प्रसंगावधान दाखवत ट्रक रस्त्याच्या कडेला उभा केला व जीव वाचवण्यासाठी केबिनमधील दोघांनी उड्या मारल्या. स्थानिक रहिवाशांनी तसेच महावितरण कार्यालयातील कर्मचाऱ्यांनी आग विझवण्यासाठी धाव घेतली.

हेही वाचा : Credit Card फसवणूक....काय घ्याल काळजी?

मात्र जोराचा वारा वाहत असल्याने आगी भडकून संपूर्ण केबिन पेटली होती. वावी पोलीस ठाण्यातून कळवण्यात आल्यावर पिंपरवाडी येथील टोल नाक्यावरील मदत पथक, पाण्याचा टँकर अपघातस्थळी पोहोचले.

पाण्याचा मारा करून आगीवर नियंत्रण मिळाले. मात्र ट्रक ची संपूर्ण केबिन जळून खाक झाली होती. सुदैवाने ट्रक रिकामा धावत होता. त्यामुळे आग वेळीच विझली.