एका शासकीय कार्यालयात बैठक सुरू होती. संबंधित अधिकारी बैठकीत माहिती देत होते. त्या वेळी त्यांनी चहा आणि वडे आणण्यास सांगितले. काही वेळात चहा आला, त्या वेळी अधिकाऱ्यांनी ‘वडे नाही आणले का’, असे विचारले.
त्यावर ‘आणायला गेलेत’, असे उत्तर आले. दालनातील सर्वांनी चहा घेतला. परत चर्चा सुरू झाली. काही जण चुळबूळ करू लागताच, अधिकाऱ्यांनी पुन्हा बेल वाजवून, ‘वड्याचे काय झाले... लोकेशन घ्या... नेमक्या कोणत्या गाडीने गेलाय, ते तरी विचारा आणि वेळ लागणार असेल तर तसे सांग म्हणावं’ असे वैतागून विचारले.
बिचारा शिपाई विचारतो म्हणून गेला. परत काही वेळ गेला आणि शिपाई पुन्हा चहा घेऊन आला. शिपायाच्या हातात चहाचा ट्रे पाहून अधिकाऱ्यांनी डोक्यालाच हात मारून घेतला.
‘वडे कुठेय...’, ‘येतोय सर...’. परत चहाचे घोट घेत-घेत पुन्हा चर्चा सुरू झाली. अधिकारी अन् दालनातील साऱ्यांचेच लक्ष दालनाच्या दाराकडे होते. अखेर दार उघडले अन् वडापावचा ट्रे दिसताच, ‘आला बाबा वडा..!’ असे कोणीतरी म्हणताच दालनात एकच हशा पिकला. (SAKAL Special chalta bolta nashik political satire comedy tragedy news)
स्थानिक स्वराज्य संस्थांच्या पदाधिकाऱ्यांचा कालावधी संपल्याने महापालिका, जिल्हा परिषदा, पंचायत समित्यांवर प्रशासक राज आहे. स्थानिक स्वराज्य संस्थांच्या निवडणुका कधी होणार, याकडे इच्छुकांचे लक्ष लागून राहिले आहे.
कोणत्याही राजकीय कट्ट्यावर गेले, की जिल्हा परिषदांच्या निवडणुका कधी होतील, याची चर्चा रंगलेली असते. त्यावर झाले असे, की जिल्हा परिषदेत एका स्मार्ट कार्यकर्त्याने आप्पाने माझे काम केले नाही, आता निवडणुकीत त्यांचे काम करणार असल्याचे आप्पांच्या कार्यकर्त्यांस सुनावले.
आप्पांच्या कार्यकर्त्यानेही लागलीच तुमचा भाऊही उभा राहणार आहे. आम्हीही त्यांचा कार्यक्रम लावू शकतो, हे लक्षात असू द्या, असे सांगितले.
त्यावर दोघांकडूनही निवडणूक चर्चेचे फंड रंगत गेले. शेवटी, स्मार्ट कार्यकर्त्याने ‘सारी चर्चा झाली. मात्र, निवडणूक कधी लागणार आहे, निवडणूक तर लागू दे भाऊ.. पाहू त्यानंतर काय करायचे,’ असे सांगत चर्चेतून काढता पाय घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.