Yevla News : येवला मतदारसंघातील लासलगाव, विंचूरसह परिसरातील ४२ गावांचे सरपंच आणि लोकप्रतिनिधींनी छगन भुजबळ यांच्या निर्णयाला पाठिंबा दिला आहे.

रविवारी (ता. ९) सकाळी भुजबळ फार्म येथे भेट घेत सर्व लोकप्रतिनिधी आणि कार्यकर्त्यांनी भुजबळांना पाठिंबा दिला. (Sarpanch of 42 villages peoples representatives support Bhujbals decision nashik)

या वेळी माजी जिल्हा परिषद अध्यक्ष बाळासाहेब क्षीरसागर, भाऊसाहेब भवर, दत्तात्रय डुकरे, शिवाजी सुपनर, दत्ता रायते, सचिन दरेकर, आत्माराम दरेकर, चंदू लांडूबले, बबन शिंदे, मंगेश गवळी,

माधव जगताप, राहुल डुमरे, सुरेखा नागरे, प्रदीप तिपायले, पांडुरंग राऊत, विशाल नागरे, अविनाश सालगुडे, उन्मेष डुमरे, सुनीता शिंदे, वाल्याबाई शिंदे, मनीषा चव्हाणके, मनीषा वाघ, आकाश वाघ, सचिन रुकारी, बापू बागल, ज्ञानेश्वर वाघ यांच्यासह पदाधिकारी उपस्थित होते.

या वेळी आपल्या भावना व्यक्त करताना सर्व सरपंच म्हणाले, की आम्ही आपल्या सोबत आहोत. येवला लासलगावसह सर्व लोक आपल्या सोबत कायम आहेत. राष्ट्रवादी काँग्रेस पार्टीचे सर्व पदाधिकारी आणि कार्यकर्ते देखील आपल्या सोबत आहेत, असा विश्वास त्यांनी मंत्री छगन भुजबळ यांच्याकडे व्यक्त केला.