Nashik Skill Development : ग्रामीण भागातील युवक-युवतींचे रोजगारासाठी शहराकडील स्थलांतर कमी व्हावे तसेच स्थानिक पातळीवर रोजगार व स्वयंरोजगार निर्माण होण्याच्या दृष्टीने कौशल्य विकास प्रशिक्षण कार्यक्रमाचे आयोजन करण्यात आले आहे. (Skill development program in 29 villages of district nashik news)
याकरिता पहिला टप्पा म्हणून त्यांना स्थानिक पातळीवर कौशल्य विकासाचे प्रशिक्षण देण्याची पंतप्रधान नरेंद्र मोदी यांची महत्वाकांक्षी योजना असून, त्या अंतर्गत महाराष्ट्रात ५०० गावात तर नाशिक जिल्ह्यात २९ ग्रामपंचायतीत कौशल्य विकास केंद्र सुरू होणार आहेत. या केंद्राचे ऑनलाइन उद्घाटन (ता.१९) दुपारी चारला पंतप्रधान नरेंद्र मोदी यांच्या हस्ते होणार आहे, अशी माहिती जिल्हाधिकारी जलज शर्मा यांनी दिली.
जिल्ह्यात उद्घाटन होत असलेल्या २९ ग्रामपंचायतीच्या ठिकाणी उद्या दुपारी चारला पंतप्रधान नरेंद्र मोदी यांचे भाषण ऑनलाइन ऐकण्याची व्यवस्था असेल.
मुख्यमंत्री एकनाथ शिंदे, उपमुख्यमंत्र्यांसह विविध विभागाचे मंत्री ऑनलाइन सहभागी होणार आहेत.
शक्ती प्रदत्त समितीने मान्यता दिल्याप्रमाणे नाशिक जिल्ह्यातील १५ तालुक्यात प्रत्येकी २ गावे निश्चित करण्यात आली असून देवळा तालुक्यात १ गाव असे एकूण २९ गावांसाठी प्रमोद महाजन ग्रामीण कौशल्य विकास केंद्र निर्माण करण्यात आले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.