सिडको (नाशिक) : नुकतेच काही महिन्यांपूर्वी स्वगृही परतलेले शिवसेनेचे माजी जिल्हाप्रमुख सुनिल बागुल यांची शिवसेनेच्या (Shivsena) उपनेते पदी नियुक्ती करण्यात आली आहे. माजी मंत्री बबनराव घोलप यांच्या नंतर त्यांना हे पद मिळाले आहे. नाशिकमध्ये आता त्यांच्या रूपात दोन उपनेते पद मिळाले आहे. त्यामुळे शिवसैनिकांत समाधान व्यक्त करण्यात येत आहे.

मध्यंतरी श्री. बागुल यांचा राष्ट्रवादी काँग्रेस (NCP) व भाजपमध्ये (BJP) प्रवास घडून आला होता. त्यांच्या मातोश्री भिकूबाई बागुल या नाशिक महापालिकेच्या उपमहापौर आहेत. तर त्यांचे पुत्र शंभू बागुल हे भाजपा युवा मोर्चाचे शहराध्यक्ष आहेत.