नाशिक : चॉपर बाळगणाऱ्या संशयित तडीपार गुंडास दरोडा व शस्त्रविरोधी पथकाने गजाआड केले. मोहमंद अन्वर सय्यद (२८, रा. नानावली) असे अटक करण्यात आलेल्या संशयित गुंडाचे नाव आहे. (Tadipaar gangster arrested with chopper nashik news)

शस्त्रविरोधी पथकातील हवालदार विजय सूर्यवंशी यांना मोहमंद याने धारदार शस्त्र बाळगत असल्याची माहिती मिळाली होती. त्यानुसार पथकाने सापळा रचून त्यास शिताफीने अटक केली. त्याच्याकडे चॉपरही आढळून आला.

हेही वाचा : नेट बँकिंग खात्यात ठेवा कमी रक्कम...जाणून घ्या कारण

त्यामुळे त्यास ताब्यात घेत तडीपार आदेशाचे व शस्त्र बाळगण्याच्या मनाई आदेशाचे उल्लंघन केल्याप्रकरणी उपनगर पोलिस ठाण्यात गुन्हा दाखल करण्यात आला आहे. वरिष्ठांच्या मार्गदर्शनाखाली सहाय्यक पोलिस निरीक्षक किरण रोंदळे, अंमलदार सूर्यवंशी, श्रीशैल सवळी, कडूबा पाटील, संदीप डावरे, प्रफुल्ल गांगुर्डे, प्रवीण चव्हाण, विशाल जोशी, मनिषा मल्लाह यांच्या पथकाने ही कामगिरी केली.