Nashik Crime : गडकरी चौक येथील विशेष पोलिस महानिरीक्षक कार्यालय आवारात गेल्या काही महिन्यात तीन ते चार चोरीच्या घडल्या आहे.

सोमवारी (ता.२३) सकाळी संरक्षण भिंतीच्या स्टीलच्या साखळ्या चोरी गेल्या. पोलिस विभागाच्या बड्या अधिकाऱ्यांचेच कार्यालय रामभरोसे असल्याचे या घटनेतून स्पष्ट होत आहे. (Theft in Special Inspector General of Police office premises Nashik Crime)

सोमवारी सकाळी ११ ते ११ वाजून ३० मिनिटाच्या दरम्यान कार्यालयाच्या संरक्षण भिंतीस लावलेल्या तीन स्टीलच्या साखळ्या चोरी गेल्याची घटना घडली. पोलिस अंमलदार यश पवार यांच्या तक्रारीवरून भद्रकाली पोलिस ठाण्यात गुन्हा दाखल करण्यात आला.

कार्यालयातील सीसीटीव्ही कॅमेरा फुटेजची तपासणी केली. संशयित साखळ्या चोरी करताना आढळून आला. पोलिस त्याचा शोध घेत असताना तोच संशयित मंगळवारी (ता. २४) पुन्हा कार्यालय बाहेर फिरताना श्री. पवार यांना आढळून आला.

पोलिसांनी संशयितास ताब्यात घेतले. त्याची अधिक चौकशी केली. त्याच्याकडून चोरीच्या साखळ्या मिळून आल्या. गणेश विजय गंधे (४०, रा. पंचवटी) असे संशयिताचे नाव आहे.

गेल्या काही महिन्यांमध्ये कार्यालय आवारातील चंदनाचे झाड चोरी जाणे, एसीची वायर चोरी होणे, भंगार चोरट्यांकडून लंपास करणे तर सोमवारी संरक्षण भिंतीच्या साखळ्या चोरी करण्याची घटना घडल्या.