मालेगाव (जि. नाशिक) : मराठा आरक्षणासाठी (Maratha Reservation) व सरकारला वठणीवर आणण्यासाठी सकल मराठा समाजाची मोट बांधणे गरजेचे आहे. स्वतंत्रपणे आंदोलन न करता सामुहिक प्रयत्न व एकत्रित आंदोलन करावे. सर्व नेत्यांनी एका व्यासपीठावर यावे असे आवाहन भाजपचे जेष्ठ नेते व माजी मंत्री राधाकृष्ण विखे-पाटील यांनी मंगळवारी (ता.८) येथे केले. (there is a need for a united movement for Maratha reservation said radhakrishna vikhe-patil in malegaon)

मराठा आरक्षणाच्या मुद्द्यावर उत्तर महाराष्ट्रातील सकल मराठा समाजाची भूमिका जाणून घेत सर्वांना एकत्र आणण्यासाठी श्री. विखे यांनी दौरा सुरु केला आहे. या दौऱ्यांतर्गत आज त्यांनी मालेगावी भेट दिली. तत्पूर्वी जिल्हा व मालेगाव महानगर भाजपतर्फे त्यांचे जंगी स्वागत करण्यात आले. सटाणा नाका भागात फटाक्यांची आतषबाजी करण्यात आली. आघार बुद्रुक येथे भाजप जिल्हाध्यक्ष सुरेश निकम, जिल्हा परिषद सदस्य समाधान हिरे, तालुकाध्यक्ष निलेश कचवे व पदाधिकाऱ्यांनी त्यांचे स्वागत केले.

शहरात विखे, आमदार राहुल आहेर, जिल्हाध्यक्ष केदा आहेर यांचे मनपाचे भाजप गटनेते सुनील गायकवाड, महानगराध्यक्ष मदन गायकवाड, उत्तर महाराष्ट्र व्यापारी आघाडी संयोजक नितीन पोफळे, ओबीसी आघाडीचे प्रदेश उपाध्यक्ष दिपक पवार यांनी स्वागत केले. यावेळी पंचायत समिती सदस्य अरुण पाटील, नगरसेवक भारत बागुल, सर्जेराव पवार, विवेक वारुळे, जयप्रकाश पठाडे, दीपक गायकवाड, दीपक शिंदे, राजेंद्र शेलार, दिनेश साबणे, कुशाभाऊ आहिरे, जगदीश गोऱ्हे, विजय ऐंथाल, बंटी कोते, पंकज बिरारी, महेश वाघ, युवा गीते, विरेंद्र देवरे, प्रशांत पवार, राकेश गायकवाड, बंडू सावंत, सोनू आसी, गौरव पाटील, अनिल गवळी, संदीप तायडे आदींसह बहुसंख्य कार्यकर्ते उपस्थित होते.

(there is a need for a united movement for Maratha reservation said radhakrishna vikhe-patil in malegaon)