Nashik Crime News : नातवाला खेळविण्यासाठी घराबाहेर उभे असताना शेजारील महिलेशी गप्पा मारणाऱ्या वृद्धेच्या गळ्यातील सोन्याची पोत दुचाकीवर आलेल्या चोरट्यांनी ओरबाडून पोबारा केला.
याबाबत रघुनाथ एरंडे (रा. वारकरी भवनजवळ, विजयनगर, सिन्नर) यांनी सिन्नर पोलिस ठाण्यात तक्रार दाखल केल्याचे समजते. (Thieves on two wheeler scratched gold necklace around old woman neck nashik crime news)
सुरेखा एरंडे या शुक्रवारी (ता. ९) सायंकाळी साडेसहाच्या सुमारास घरासमोरील अंगणात चिमुकल्याला खेळवत शेजारील महिलांशी बोलत असताना दुचाकीवरून आलेल्या दोन भामट्यांनी त्यांच्याजवळ येत त्यांच्या गळ्यातील अडीच ते तीन तोळे वजनाची सोन्याची पोत खेचून शिर्डी रोडकडे पोबारा केला. एरंडे यांनी आरडाओरड केली असता, परिसरातील नागरिकांनी पाठलाग करण्याचा प्रयत्न केला; मात्र चोरट्यांचा मागमूस लागला नाही.
चोरट्यांचा शहरात धुमाकूळ
सिन्नर शहरात चोरट्यांचा धुमाकूळ वाढलेला असून, नागरिकांनी त्यांचा धसका घेतला आहे. अतिशय उच्चभ्रू वस्तीमध्ये व सतत वर्दळ असलेल्या वारकरी भवन येथे चोरट्यांनी धुमाकूळ घातला असून, एका महिलेची तीन तोळ्याची पोत चोरट्यांनी चोरून नेल्याने सुव्यवस्थेचा प्रश्न शहरात निर्माण झाला आहे.
लवकरात लवकर या चोरट्यांचा बंदोबस्त करावा, अशी मागणी नागरिकांमधून होत आहे. सायंकाळी वारकरी भवन येथे महिला, पुरुष दर्शनासाठी, तसेच शतपावलीसाठी येतात. मात्र चोरीच्या भीतीपोटी अनेकांनी रस्त्यावर येण्याचे टाळले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.