वणी : वणी - सापूतारा रस्त्यावर अंबानेर फाट्यानजिक पिकअपने दुचाकीस दिलेल्या धडकेत सुरगाणा तालुक्यातील दोघे दुचाकीस्वार जागीच ठार झाले आहे. अपघातानंतर दुचाकीने पेट घेवून दुचाकीस्वार जागीच ठार झाले आहेत. (Two killed in collision between pickup and two wheeler on ambaner Phata Nashik Accident News)
याबाबत माहती अशी की, गुरुवार, ता. १ रोजी सांयकाळी साडेसात वाजेच्या सुमारास शेत मजुरीचे काम करणारे दयाराम चिम महाले, वय ३० रा. महालपाडा गुही, ता. सुरगाणा व जयवंत शांताराम बंगाळ - बंगाळपाडा गुही, ता. सुरगाणा हे मोटरसायकने नाशिकहून धार्मिक कार्यक्रमासाठी घरी महालपाडा येथे जात असतांना पाठीमागून भरधाव वेगाने येणारी पिकअप क्र. एम एच ४१ अे यु ६६१९ हीने जोरदार धडक दिली.
धडक इतकी जोरदार होती की दुचाकीवरील दोघांचाही जागीच मृत्यु झाला. तर अपघातग्रस्त दुचाकीने पेट घेवून जळून खाक झाली.
मृतांना वणी ग्रामिण रुग्णालयात शवविच्छेदनासाठी आणण्यात आले असून रात्री उशिरा वैद्यकिय अधिकारी डॉ. सिंगल व डॉ. गाडे यांनी शवविच्छेदन केले. दरम्यान वणी पोलिसांत पिकअप चालकावर अपघाताचा गुन्हा दाखल करण्यात आला आहे.
दुचाकीवरील मयत दोघे हे नाशिक येथे कंपनीत कामाला आहे. ते उद्या ता. २ रोजी घरी धार्मिक कार्यक्रम असल्याने घरी जात असतांना दोघा तरुणांवर काळाने घाला घातला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.