नाशिक : (निफाड) कसबे सुकेणे द्राक्षनगरीत हंगामी रोजगारासाठी आलेल्या दोन हजारावर परप्रांतीय कामगारांना लॉकडाऊनमुळे अडकुन पडावे लागले आहे. मात्र आता द्राक्ष हंगामाची कामे आटोपत आहेत. गावाकडचा कुटुंबकबिला सतत संपर्क करत मायभुमीत येण्याची हाक देतोय तर द्राक्षनगरीत अडकलेल्या दोन हजारावर परप्रांतिय कामगारांचा मायभुमीत परतण्यासाठी एकच टाहो उठत आहे. 

कुटुंबही मुळगावी चिंतेत पडले

खडक, माळेगाव, पालखेड आदी‌ प्रमुख द्राक्ष उत्पादक गावांमध्ये दरवर्षी द्राक्ष हंगामात उत्तर प्रदेश, बिहार, पश्चिम बंगाल येथुन व्यापारी व कामगार येतात. त्या त्या गावांमध्ये भाडेतत्वावर खोली घेऊन राहतात. द्राक्ष हंगामात द्राक्षमाल प्रतवारी करणे, पॅकिंग करणे तसेच द्राक्षमाल‌ लोडिंग करणे आदी कामासाठी‌ आलेले आहेत. चालु वर्षी द्राक्ष हंगाम एक महिना उशिराने सुरु झाला हंगाम ऐनभरास आला असतांना लॉकडाऊनच्या निर्णयामुळे आलेल्या हंगामी परप्रांतिय कामगारांना येथेच थांबावे लागले. द्राक्षमालाची काढणीही‌ आटोपल्याने कामगारांना रोजगार तसेच अन्नपाण्याचा प्रश्न तसेच निवासाचे भाडे या कारणांसह कोरोनाबाबत सतत माध्यमांमध्ये येणाऱ्या बातम्यांमुळे अशा कामगारांचे कुटुंब मुळगावी चिंतेत पडले आहे. सतत मोबाईलद्वारे होणाऱ्या संपर्कामुळे कुटुंबियांची काळजी लागली आहे. 

हेही वाचा > दुकान व धान्याबाबतच्या तक्रारी आहेत? बिनधास्त हेल्पलाईन क्रमांक डायल करा!

नाईलाजास्तव थांबलेल्या हंगामी कामगारांना आता लॉकडाऊन उघडण्याची आस आहे. त्यातच प्रशासनाने आमची वैद्यकिय तपासणी करुन प्रमाणपत्र द्यावे अशी मागणी होत आहे. 

हेही वाचा > ह्रदयद्रावक! हळद लागली अन्‌ अक्षता रुसल्या! सप्तपदीच्या फेऱ्यांपूर्वीच नववधूचा संसार उद्‌ध्वस्त