नाशिक : राज्याच्या विविध जिल्ह्यांतील वर्षानुवर्षे आंतरजिल्हा बदलीच्या प्रतीक्षेत असलेल्या शिक्षकांच्या कुटुंबीयांनी ‘आज होय मी वंचित’ असा हॅशटॅग वापरून अनोखे आंदोलन करून शिक्षणमंत्री वर्षा गायकवाड यांच्यासह अनेकांचे लक्ष वेधण्याचा प्रयत्न केला. विशेष म्हणजे या मोहिमेत या विभक्त शिक्षकांच्या कुटुंबातील चिमुरड्यांचा सहभाग लक्षवेधी ठरला. या हॅशटॅगला हजारो इम्प्रेशन्स मिळाली. 

अंतर दूर झाले पाहिजे

सध्या कोरोनाचा प्रादुर्भाव वाढत असल्याच्या पार्श्वभूमीवर प्रत्येक जण आपापल्या कुटुंबीयांची काळजी घेत असल्याच्या पार्श्वभूमीवर बाराशेहून अधिक शिक्षक दांपत्ये राज्याच्या विविध जिल्ह्यांत अडकून पडल्याच्या पार्श्वभूमीवर ट्विटरसह फेसबुक यांसारख्या सोशल मीडियावर हे आंदोलन करण्यात आले. गेल्या अनेक वर्षांपासून पती-पत्नीमधील अंतर दूर व्हावे, किमान एका जिल्ह्यापुरते का होईना हे अंतर दूर झाले पाहिजे, यासाठी जागतिक महिला दिनानिमित्त मार्च महिन्यात सैल झाल्यात रेशीमगाठी अशी मोहीम राबविण्यात आली. त्यात पत्नी व पतीमधील अंतर एक हजार ते पंधराशे किलोमीटरचे असल्याने कुटुंबासोबत मुलांची होणारी फरफट याकडे तेव्हाही लक्ष वेधण्यात आले होते. 

हेही बघा > धक्कदायक! पिडितेचा शोधला वैयक्तिक क्रमांक.. व्हॉटस्अ‍ॅप ग्रूपवर पाठविले नग्न छायाचित्र...

आमदार रोहित पवार यांचा पुढाकार 

आमदार रोहित पवार यांनी आता याबाबतीत पुढाकार घेतला. ग्रामविकासमंत्री हसन मुश्रीफ, शिक्षणमंत्री वर्षा गायकवाड यांच्याकडे गाऱ्हाणे नेले. मात्र कोरोनाच्या आगमनामुळे प्रशासकीय कामकाज थांबले अन् या आंतरजिल्हा बदल्या रखडल्या. या सर्व प्रश्नांकडे आम्ही वंचित या हॅशटॅगखाली गेल्या दोन दिवसांपासून ट्विटवर मोहीम सुरू होती. त्याला प्राथमिक शिक्षक संघासह राज्यातील शिक्षक आमदार व विविध संघटनांनीही पाठिंबा दिला. आजच्या या अनोख्या आंदोलनात विभक्त कुटुंबातल्या मुलांनी आपले फोटो शेअर करून भावनिक साद घालण्याचा प्रयत्न केला. 

हेही बघा > धक्कादायक! 'त्या' क्षणाला न बायको आठवली न लेकरं...दुर्देवी घटना