सुदर्शन सारडा : सकाळ वृत्तसेवा

ओझर : नाशिक ग्रामीण जिल्हयातील अवैध व्यवसायांचे समुळ उच्चाटन करण्यासाठी पोलिस अधीक्षक श्री. विक्रम देशमाने यांचे आदेशान्वये अपर पोलिस अधीक्षक नाशिक ग्रामीण श्री. आदित्य मिरखेलकर, अपर पोलिस अधीक्षक मालेगाव श्री. अनिकेत भारती यांचे मार्गदर्शनाखाली जिल्हयातील पोलिस ठाणेनिहाय अवैध व्यवसायांविरोधात दोन दिवसात व्यापक स्वरूपात कारवाई करण्यात आली. (Widespread action by rural police against illegal businesses nashik crime news)

सदर कारवाईत नाशिक ग्रामीण व मालेगाव विभागातील पोलिस ठाणे हद्दीत अवैध गावठी हातभट्टीची दारू बनविणारी ठिकाणे, त्यामध्ये डोंगर, दऱ्या, नदी, नाले अशा अतिदुर्गम ठिकाणांवर पायपीट करून, त्यांचा शोध घेवून छापे टाकण्यात आले आहे.

तसेच अवैधरित्या गावठी दारू, देशी विदेशी मद्याची वाहतूक करणारे वाहने, तसेच विक्रीच्या ठिकाणांवर छापेमारी करण्यात आली आहे. तसेच अवैधरित्या अंमली पदार्थांची तस्करी व विक्री करणाऱ्या आणि अवैधरित्या मटका व जुगार चालविणारे व खेळणारे इसमांवर कारवाई देखील कारवाई करण्यात आली आहे.

बुधवारी अवैध व्यवसायांविरोधी केलेली कारवाई

1.मुंबई दारूबंदी कायदा 49 केस

2.महाराष्ट्र जुगार 02 केस

3.कायदा NDPS - 01 केस

4.एकूण 52 केसेस 54 आरोपी

जिल्हयातील सर्व अवैध व्यवसाय हद्दपार करण्यासाठी अशा व्यवसायांची माहिती पोलिसांना कळवावी असे आवाहन पोलिस अधीक्षक श्री. विक्रम देशमाने यांनी केले आहे.