नाशिक : आंतरजातीय विवाह केल्याच्या कारणावरून मुलीच्या नातलगांनी युवकाला संभाजी स्टेडिअमसमोर बेदम मारहाण करीत दमदाटी केल्याची घटना घडली.

सागर बाळासाहेब पे (२९, रा. सुतारलेन, ता. निफाड, जि. नाशिक) यांच्या फिर्यादीनुसार, सागर यांनी गेल्या ११ एप्रिल २०२१ रोजी कांचन हिच्याशी आंतरजातीय विवाह केला आहे. (Youth brutally beaten for inter caste marriage nashik crime latest marathi news)

या कारणावरून संशयित अनिल रंगनाथ कुंदे (४५), कृष्णा सदाशिव धारराव (३५), अजित विजय धारराव (२८), योगेश चंद्रकांत कर्डिले (३५), किरण बाजीराव कापसे (४०, सर्व रा. निफाड, जि. नाशिक) यांनी सागर यांना अंबड परिसरातील संभाजी स्टेडियमसमोर असलेल्या सर्व्हिस अपार्टमेंटमध्ये बेदम मारहाण केली.

तसेच, सागर व कांचन या दाम्पत्याला शिवीगाळ करीत तुझ्या घरच्यांना निफाडमध्ये कोण ठेवतो असा दमही दिला. याप्रकरणी अंबड पोलिसात संशयितांविरोधात मारहाणीचा गुन्हा दाखल करण्यात आला असून, सहायक निरीक्षक कोल्हे हे तपास करीत आहेत.