Dhule Crime News : मेथी जिल्हा परिषद पोटनिवडणुकीत मांडळ येथील भाजप उमेदवाराचे मतदान प्रतिनिधीस मारहाण प्रकरणी दहा जणांवर दोंडाईचा पोलिस ठाण्यात गुन्हा दाखल करण्यात आला आहे. (One was beaten up during in election dhule crime news)

मेथी जिल्हा परिषद गटातील पोटनिवडणूक प्रक्रिया सायंकाळी साडेपाचला पार पडली. भाजपचे उमेदवार प्रभाकर रघुनाथ पाटील यांचे मतदान प्रतिनिधी म्हणून रामकृष्ण जगन्नाथ मोरे (वय ४७) यांस गावातीलच अरुण नाना शिंदे यांनी मतदान बूथमधून बाहेर काढा, आरडाओरड करीत शिवीगाळ केली.

तुला सोडणार नाही, असे धमकावले. सायंकाळी मतदानप्रक्रिया संपल्यानंतर सहा-साडेसहाच्या सुमारास रामकृष्ण मोरे घरी जात होते तेव्हा ग्रामपंचायतीजवळ त्यांच्या मागून अरुण शिंदे, महेंद्र शिंदे, वकील बागूल, राहुल बागूल, हेमंत बागूल, प्रवीण बागूल, दीपक बागूल, गणेश बागूल, रावसाहेब बागूल, ज्ञानेश्वर पाटील यांनी मारहाण केली.

मारहाण करून दुखापत केली असल्याची फिर्याद रामकृष्ण मोरे यांनी दोंडाईचा पोलिस ठाण्यात दिली आहे. त्यानुसार गुन्हा दाखल करण्यात आला आहे. पोलिस निरीक्षक श्रीराम पवार यांच्या मार्गदर्शनाखाली पोलिस उपनिरीक्षक शरद लेंडे तपास करीत आहेत.