Dhule Crime News : बनावट कागदपत्रे तयार करून महिलेची जमीन हडपून तिच्यावर कर्ज घेत फसवणूक केल्याच्या संशयावरून पाच जणांविरोधात शहर पोलिस ठाण्यात गुन्हा दाखल करण्यात आला. (Woman land grabbed by fake documents dhule crime news)
पमाबाई तथा गुलाबकोर विठ्ठलसिंह राजपूत (वय ५८, रा.आमोदा ता.शिरपूर) यांनी फसवणुकीबाबत पोलिसांत फिर्याद दिली. डिसेंबर २०२२ ते मार्च २०२३ कालावधीत येथील कार्यकारी दंडाधिकारी कार्यालय व दुय्यम निबंधक कार्यालयात हा प्रकार घडल्याचे त्यांनी म्हटले आहे.
भोरखेडा (ता.शिरपूर) शिवारात गट नंबर १३४/२ मध्ये श्रीमती.राजपूत यांची सामाईक मालमत्ता आहे. तिचे परस्पर खोटे दस्तऐवज तयार संशयित जयपालसिंह राजपूत (रा.भोरखेडा) याने त्या कागदपत्रांचा वापर करून बँकेतून कर्ज काढले. हा प्रकार संबंधित कार्यालयातील अधिकारी व कर्मचारी यांच्या संगनमताने केल्याचे श्रीमती.राजपूत यांनी फिर्यादीत म्हटले आहे.
संशयित जयसिंह राजपूत, जयपालसिंह राजपूत (दोघे रा.भोरखेडा), जितेंद्रसिंह उदेसिंह राजपूत (रा.आमोदा), प्रतिज्ञापत्र लिहून देणारी अज्ञात महिला, तिला ओळख देणारा अज्ञात व्यक्ती व जी.एस.शिरसाट नामक व्यक्ती यांच्याविरोधात शहर पोलिसांनी गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.