जामली, (अमरावती) - चिखलदरा तालुक्यातील टेम्ब्रूसोडा घाटात मजुरांनी भरलेल्या क्रूझर गाडीला MH 27- AC 0357 अपघात झाला असून यात कुलंगना येथील सुरेश जामुनकर वय 22 वर्ष यांचा जाग्यावरच गाडी खाली दबून मृत्यू झाला. 30 मजूर गंभीर जखमी असून अचलपूर येथील उपजिल्हा रुग्णालयात दाखल करण्यात आले आहे.

सध्या पावसाळ्याचे दिवस सुरु असून मेळघाटातील मजुर प्लेन पट्ट्यात शेतातील पीक निंदण्याचा हंगाम सुरू आहे व मेळघाटात पाहिजे त्या प्रमाणात काम नसल्यामुळे सर्व मजूर अंजनगाव तालुक्यातील वागडोह,जणुना, धाडी, पथ्रोट भागात कामाला जात असतातअसे असले तरी मेळघाटातील मजुरांची वाहतूक गाड्यांने केली जात आहे एका गाडीवर क्षमतेपेक्षा जास्त म्हणजे क्रूझर गाडीवर 30 ते 35 मजूर गाडीत खाली वर भरून वाहतूक दररोज केल्या जात असून याकडे चिखलदरा पोलीसांचे दुर्लक्ष आहे त्यामुळेच हा अपघात घडण्याच्या घटनेत वाढ झाली आहे.

पोलिसांच्या दुर्लक्षाने आदिवासी मजुरांचा बळी

या अगोदर सकाळ ने वेळोवेळी अवैध वाहतूकी बाबत बातम्या प्रकाशित केली असतांना पोलीस प्रशासन मात्र हेतुपूरस्पर दुर्लक्ष केल्या जात होतं त्याचाच परिणाम म्हणून आज एका आदिवासी युवकाचा बळी गेला आहे.