अमरावती : शहराच्या पंचवटी चौकात असलेल्या डॉ. पंजाबराव देशमुख वैद्यकीय महाविद्यालय व रुग्णालयात (Dr. Punjabrao Deshmukh Medical College and Hospital) अर्धांगवायूच्या आजारावर एमआयसीयू विभागात उपचार घेणाऱ्या ७१ वार्षीय रुग्णांच्या (patient) शरीराच्या विविध भागांवर मुंग्यांनी चावा (ants bite) घेतला. हा धक्कादायक प्रकार उघडकीस आल्याने रुग्णालयाच्या आरोग्य सेवेवर प्रश्नचिन्ह निर्माण झाले आहे.
प्राप्त माहितीनुसार, विष्णूपंत साठवणे (वय ७१) असे रुग्णाचे नाव आहे. काही दिवसांपूर्वी त्यांना अर्धांगवायूचा झटका आला होता. त्यामुळे बुधवारी सायंकाळी त्यांना उपचारासाठी अमरावती शहरातील डॉ. पंजाबराव देशमुख वैद्यकीय महाविद्यालय व रुग्णालयात दाखल करण्यात आले होते. गुरुवारी सकाळी त्यांच्या शरीराच्या विविध भागांवर लाल मुंग्यांनी चावा घेत जीवघेणा हल्ला केला.
यामध्ये विष्णूपंत साठवणे यांच्या एका डोळ्याखाली व शरीराच्या दुसऱ्या भागावक मोठ्या जखमा केल्या होत्या. सकाळी रुग्णाच्या नातेवाइकांचे लक्ष गेल्यानंतर हा प्रकार समोर आला. या घटनेमुळे नातेवाइकांनी संताप व्यक्त केला. हा धक्कादायक प्रकार उघडकीस आल्याने डॉ. पंजाबराव रुग्णालयातील आरोग्य सुविधेवर प्रश्न उपस्थित केले जात आहे.
या रुग्णाला काल रात्री भरती करण्यात आले होते. त्यांना स्माईल्ड पॅरेलाईस अटॅक आला होता. ते डायबीटीजने ग्रस्तही आहे. एमआयसीयू वॉर्डमध्ये शिफ्ट करण्यात आले होते. त्यांच्या अंगावर काही प्रमाणात मुंग्या आढळून आल्या. त्यामुळे वॉर्डातील स्टाफला नोटीस बजावण्यात आली आहे. यापुढे अशी घटना घडणार नाही याची काळजी घेण्यात आली आहे.- अनिल देशमुख, डीन, डॉ. पंजाबराव देशमुख रुग्णालय
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.