हिंगणघाट : भरधाव वेगाच्या ट्रॅव्हल्सने दुचाकीला धडक दिल्याने दुचाकीवर स्वार मायलेकाचा जागीच मृत्यू झाला. ही घटना शनिवारी ता.१५ सायंकाळी ५ वाजताच्या सुमारास येथील राष्ट्रीय महामार्गावरील वणा नदीच्या पुलाजवळ घडली. आरती केवलदास वाघमारे( वय ५०) आणि अक्षय केवलदास वाघमारे (वय २३) रा. पूलफैल, वर्धा असे अपघातात मृत पावलेल्या मायलेकाचे नाव आहे.
आरती वाघमारे या येथील नगरपालिकेच्या स्वास्थ्य विभागाच्या कर्मचारी असून त्या बँकेतून पगार घेऊन मुलासोबत वर्धेला आपल्या घरी जाण्यासाठी दुचाकीने निघाल्या होत्या.
वणा नदी पुलाजवळील वर्धेला जाणाऱ्या वळण रस्त्याने दुचाकीने वळत असताना पाठीमागून नागपूर येथून बंगलोरला जाणाऱ्या भरधाव वेगाच्या ट्रॅव्हल्स क्र. एचआर३८ एव्ही ५९३७ ने त्यांच्या दुचाकीला पाठीमागून जबर धडक दिली. यात त्यांचा जागीच मृत्यू झाला. या दोघांचे पार्थिव शवविच्छेदनासाठी येथील उपजिल्हा रुग्णालयात आणण्यात आलेले आहे. हिंगणघाट पोलिसात या अपघाताची नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.