गडचिरोली येथील डिजे संघटनेचे अध्यक्षांसह चार जणांचा अपघातात मृत्यू झाला आहे. चंद्रपूर जिल्ह्यातील सावली- गडचिरोली मार्गावर बोलेरो ट्रकवर आदळून हा भीषण अपघात झाला आहे. चंद्रपूरहून डीजेशी संबंधित साहित्य खरेदी करून गडचिरोलीला परतताना हा अपघात झाला आहे. पंकज बागडे यांनी अल्पावधीत परिसरात त्यांच्या डीजे वादनाने लोकप्रियता मिळवली होती. त्यांच्या अशा अचानक जाण्याने परिसरात हळहळ व्यक्त केली जात आहे.
पंकज किशोर बागडे (वय 26 रा. गडचिरोली), अनुप रमेश ताडूलवार (वय 35 रा. विहीरगाव ता.सावली), महेश्वरी अनुप ताडूलवार (वय 24 रा. विहीरगाव), मनोज अजय तीर्थगिरीवार (वय 29 रा. ताडगाव ता. भामरागड) अशी अपघातात मृत्युमुखी पडलेल्यांची नावे आहेत.
दरम्यान, या अपघातातून एक तरुण थोडक्यात बचावला आहे. मात्र आपल्यासोबत असेलल्या इतर चौघांच्या मृत्यूने या तरुणालाही मोठा धक्का बसला आहे. रस्त्यावर बसलेल्या गाईला वाचवता अचानाक बोलेरा गाडीचा स्टेअरिंग रॉड तुटला आणि गाडी ट्रकवर जाऊन आदळली. ही धडक इतकी भीषण होती की, यामध्ये पंकज बागडे यांच्यासह चार जणांचा जागीच मृत्यू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.