गोंदिया : तिरोडा लुक्यातील सरांडी येथे बुधवारी सकाळी ९ वाजता घरगुती विहिरीत करंट लागून चार जणांचा मृत्यू झाल्याचा धक्कादायक प्रकार समोर आला आहे. विहीरीतील मोटार दुरुस्तीसाठी एकापाठोपाठ चाैघे विहिरीत उतरले होते. यावेळी त्यांना विजेचा शॉक लागल्याने त्यांचा मृत्यू झाला.

खेमराज गिरधारी साठवणे (वय ४०), प्रकाश सदाशिव भोंगाडे (वय ४०) सचिन यशवंत भोंगाडे (वय २९), महेंद्र सुखराम राऊत (वय ३२, सर्व रा. सरांडी) अशी मृतांची नावे आहेत. खेमराज साठवणे याच्या घरी ही घटना घडली आहे. या प्रकाराने परिसरात हळहळ व्यक्त केली जात आहे.