गडचिरोली : गडचिरोलीसह विदर्भातील काही ठिकाणी मुसळधार पाऊस चालू आहे. दरम्यान पुढचे तीन दिवस मुसळधार पावसाची शक्यता वर्तवल्याने गडचिरोलीमध्ये तीन दिवसांचा रेड अलर्ट जारी करण्यात आला आहे. (Gadchiroli Rain Updates)

मुसळधार पावसामुळे लागू करण्यात आलेल्या रेड अलर्टमध्ये सरकारी कार्यालये आणि अत्यावश्यक सुविधा वगळता सर्व दुकाने आणि सेवा बंद राहणार असल्याच्या सूचना देण्यात आल्या आहेत. मागील ४८ तासापासून गडचिरोली जिल्ह्यामध्ये मुसळधार सुरू असून नद्यांना पूर आले आहेत. तर काही ठिकाणी झाडे आणि ट्रक वाहून जाण्याच्या घटना घडल्या आहेत.

दरम्यान, गेल्या दोन दिवसांपासून जिल्ह्यात मुसळधार पाऊस सुरू असून पूराने थैमान घातलं आहे. येणाऱ्या तीन दिवसांत मुसळधार पावसाची शक्यता हवामान खात्याने वर्तवल्याने जिल्हा प्रशासनाने रेड अलर्ट जारी केला आहे.