अमरावती ः अल्पवयीन असतानापासून तिचे अन्‌ त्याचे सूत जुळले. त्याने अपहरण करून पीडितेचे लैंगिक शोषण केले. त्यानंतर माझी भूक भागली, असे म्हणून तिला वाऱ्यावर सोडले.

ग्रामीण भागातील एका गावात ही घटना घडली. मो. तलहासीफ मो. शफीउल्ला (वय 24, रा. दर्यापूर), असे संशयित आरोपीचे नाव असल्याचे पोलिसांनी सांगितले. त्याच्याविरुद्ध रहिमापूर ठाण्यात अपहरण, अत्याचारासह बाललैंगिक अत्याचार प्रतिबंधक कायद्यान्वये गुन्हा दाखल झाला. तो पसार असल्याचे रहिमापूरचे ठाणेदार सचिन इंगळे यांनी सांगितले. 

हेही वाचा - अख्खं गाव हळहळलं! पती-पत्नी पाठोपाठ मुलीचाही मृत्यू, एकाचवेळी निघाली तिघांची अंत्ययात्रा

पीडित युवती अल्पवयीन असतानापासून तिची संशयित आरोपी मो. तलहासीफ याच्यासोबत ओळख होती. त्याने कमी वय असताना तिला लग्नाचे आमिष दाखवून बळजबरीने शारीरिक संबंध प्रस्थापित केले. पीडितेला गर्भधारणा झाल्यानंतर तिच्यासोबत लग्न करून तिचा गर्भपात करून घेतला. त्यानंतर बरेच दिवसांपर्यंत त्याच्याकडून लैंगिक अत्याचार सुरूच होता. 

17 मार्च 2021 रोजी संशयित आरोपीने पीडितेला रात्रीच्या वेळी तिच्या माहेरी नेऊन सोडले. असे करण्याबाबत पीडितेने त्याला जाब विचारला असता, पीडितेला मानसिक धक्का बसेल असे उत्तर त्याने दिले. आपली भूक भागली असून, आता वागवत नाही, असे उत्तर त्याने दिले. असा आरोप पीडितेने रहिमापूर ठाण्यात शनिवारी (ता. 20) दाखल तक्रारीत केला. प्रकरणी पोलिसांनी संशयित आरोपीविरुद्ध गुन्हा दाखल केला.

हेही वाचा - Ground Report: शाळा आणि महाविद्यालयस्तरावर परीक्षेसाठी यंत्रणा तोकडीच; मासकॉपीची शक्यता

पीडितेच्या तक्रारीनुसार पोलिसांनी गुन्हा दाखल केला. संशयित आरोपीचा शोध घेतला असता तो पसार असल्याचे दिसून आले. पोलिस त्याच्या मागावर आहेत.
-सचिन इंगळे, 
ठाणेदार, रहिमापूर ठाणे. 

संपादन - अथर्व महांकाळ