नागपूर : भूखंडाच्या वादातून रॉडने प्रहार करून युवकावर जीवघेणा हल्ला करण्यात आला. ही घटना गिट्टीखदान पोलिस हद्दीत घडली. आलोकसिंह राठोड (२३) रा. आकांशी ले-आउट असे जखमीचे नाव आहे. जखमी युवकाला खासगी रुग्णालयात दाखल करण्यात आले.
मंगलसिंह राठोड (४७) यांचे आकांशी लेआउट, दाभा येथे भूखंड आहे. या भूखंडावरून नातेवाईक प्रितमसिंह राठोड (४२), मिथिलेश राठोर (३४) दोन्ही रा. रामनगर, ममता चव्हाण (४४) आणि तुलसीदास चव्हाण (४६) दोन्ही रा. नरखेड यांच्या सोबत तीन वर्षांपासून वाद आहे. घटनेच्या वेळी आरोपी साथीदारांसह भूखंडावर अतिक्रमण करण्याच्या उद्देशाने आले.
त्यांनी मंगलसिंह यांची पत्नी, मुलगा व मुलगी यांच्यासोबत भांडण केले. मंगलसिंह यांनी समजविण्याचा प्रयत्न केला असता आरोपींनी त्यांना शिवीगाळ व मारहाण केली. तसेच त्यांच्या हाताला चावा घेतला.
मंगलसिंह यांच्या मुलाने मध्यस्थी केली असता आरोपींनी त्याच्या डोक्यावर रॉडने वार केला. जखमी अवस्थेत त्याला खासगी रुग्णालयात भरती करण्यात आले. या प्रकरणी मंगलसिंह यांच्या तक्रारीवरून पोलिसांनी आरोपी विरुद्ध विविध कलमान्वये गुन्हा नोंदवून अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.