नागपूर - गिट्टीखदान पोलिस ठाण्याच्या हद्दीत पित्याने पोटच्या दोन मुलींवर अत्याचार केल्याची धक्कादायक माहिती समोर आली आहे. याप्रकरणी पोलिसांनी नराधम बापाला अटक केली आहे.
पोलिसांनी दिलेल्या माहितीनुसार, आरोपीचे पंधरा वर्षांपूर्वी पीडितेच्या आईशी लग्न झाले. ती त्याची दुसरी पत्नी असून तिच्याकडून त्याला चार अपत्य झाले. त्यात सर्वात मोठी मुलगी १२ तर लहान मुलगी ही सात वर्षांची आहे. एप्रिल महिन्यात आरोपीने घरी कुणीही नसताना मोठ्या मुलीवर अत्याचार केला.
दरम्यान मुलीने याबाबत आईला सांगितल्यावर तिने नवऱ्याशी भांडण केले. दरम्यान त्याने माफी मागून यापुढे असे कधीही होणार नसल्याचे वचन दिले. त्यामुळे पत्नीने कुठेही वाच्यता केली नाही. मात्र, गेल्या काही दिवसांपासून त्याने मोठ्या मुलीसह सर्वात लहान असलेल्या मुलीवर अत्याचार करण्याचा प्रयत्न केल्याची माहिती पत्नीला कळताच, तिने याबाबत गिट्टीखदान पोलिसांकडे तक्रार दाखल केली. त्यावरून पोलिसांनी पोक्सो अंतर्गत गुन्हा दाखल करीत आरोपी पित्याला अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.