नागपूर : एकाच कुटुंबातील चौघांनी गळफास घेत आपले जीवन संपवल्याची धक्कादायक घटना नागपूर जिल्ह्याच्या नरखेड तालुक्यातील मोवाड गावात समोर आली आहे. मृतांमध्ये पती-पत्नी आणि दोन मुलांचा समावेश आहे. घटनास्थळी पोलीस दाखल झाले असून गाव आणि परिसरात एकच खळबळ उडाली आहे. विजय पचोरी (सेवानिवृत्त शिक्षक), पत्नी मालाबाई (गृहिणी), मुले दीपक आणि गणेश अशी मृतांची नावे आहेत.

मिळालेल्या माहितीनुसार, नागपुर जिल्ह्यामधील नरखेड तालुक्यातील मोवाड गावात एकाच कुटुंबातील चार जणांचे मृतदेह आढळून आल्याने एकच खळबळ उडाली . या कुटुंबाने एकत्रीत टोकाचे पाऊल उचल्ल्याचा प्राथमिक अंदाज पोलिसांकडून वर्तवण्यात येत असून भयंकर घटनेने गावात भितीचे वातावरण पसरले आहे. विजय पचोरी त्यांच्या पत्नी मालाबाई पचोरी आणि दीपक व गणेश पचोरी अशी मृतांची नावे आहेत. विजय पचोरी हे सेवानिवृत्त शिक्षक आहेत, तर त्यांच्या पत्नी गृहिणी असल्याचे सांगण्यात येत आहे.

दरम्यान या बाबतची माहिती मिळताच पोलिसांनी घटनास्थळी धाव घेत मृतदेह ताब्यात घेतले आहेत. या संपूर्ण कुटुंबाने इतके टोकाचे पाऊल का उचचले असावे? यामगील नेमके कारण काय? असे अनेक प्रश्न उपस्थित होत असून पोलीस याबाबतचा तपास करत आहेत.