नागपूर - विधानसभा निवडणुकीत आम्हाला ८ ते १० जागा हव्या आहेत. परंतु अद्याप जागांसंदर्भात आमच्यासोबत कोणतीही चर्चा झाली नाही. महायुतीतील तिन्ही पक्ष जागांसाठी भांडत आहेत, असे आरपीआयचे (आठवले गट) नेते, केंद्रीय राज्यमंत्री रामदास आठवले यांनी शुक्रवारी पत्रकार परिषदेत सांगितले.

आठवले म्हणाले, ‘मागील विधानसभा निवडणुकीत भाजपने आम्हाला पाच जागा दिल्या होत्या. परंतु चिन्ह भाजपचे होते. उमेदवारही त्यांचे होते. परंतु यंदा आम्ही आमच्याच चिन्हावर लढू. दोन राज्यांत आमचे आमदार आहेत.

आणखी दोन राज्यांत उमेदवार आल्यास राष्ट्रीय पक्षाचा दर्जा मिळेल. विदर्भातून उत्तर नागपूर व उमरखेड विधानसभेची जागा आम्हाला हवी आहे. इतरही काही जागा पाहिजे. सध्या तरी महायुतीतील तिन्ही पक्ष जागांसाठी भांडताहेत.’

#ElectionWithSakal