नागपूर जिल्ह्यातील काटोलमध्ये क्वालीस आणि ट्रकचा भीषण अपघात झाल्याचा प्रकार समोर आला आहे. या भीषण अपघातात सहा जणांचा मृत्यू झाला आहे, तर एक जण गंभीर जखमी झाला आहे. काल मध्यरात्रीनंतर काटोल तालुक्यातील सोनखांब आणि ताराबोडी दरम्यान ही घटना घडली.

मिळालेल्या माहितीनुसार, क्वालिस गाडी नागपूर वरून काटोलच्या दिशेने जात असताना ट्रकने जोरदार धडक दिली आणि त्यामध्ये सहा जणांचा मृत्यू झाला आहे. नागपुरात एका लग्नाचा कार्यक्रम आटोपून हे सर्वजण काटोलच्या दिशेने जात होते. जखमींना नागपुरातील शासकीय वैद्यकीय रुग्णालयात ट्रॉमा सेंटरमध्ये दाखल करण्यात आले आहे.