नागपूर : अजनीतील रहाटेनगर टोली परिसरात चार ते पाच जणांनी महिलेवर हल्ला करीत चाकूने वार केले. ही घटना शनिवारी सकाळी ९.३० वाजताच्या सुमारास घडली.याप्रकरणी नागरिकांनी रोष व्यक्त करीत पोलिस ठाण्याला घेराव घातला. त्यामुळे तणावाची स्थिती निर्माण झाली होती. पोलिसांनी चौघांना अटक केली आहे.
काया उफाडे (वय ५०),असे जखमी महिलेचे नाव आहे. उत्तम मानकर (वय ५५), संजय मानकर (वय ३०), जय मानकर (वय २८), अमन उखाडे (वय २५) अशी अटकेतील आरोपींची नावे आहेत. पोलिसांनी दिलेल्या माहितीनुसार,
काया उफाडे यांच्या घराच्या शेजारी राहणाऱ्या आणि नातेवाईक असलेल्या उत्तम मानकर (५५), संजय मानकर (३०), जय मानकर (२८), अमन उखाडे (२५), रोहन हातागडे (२२) आणि साथीदारांसोबत वाद झाला. त्यामुळे उफाडे यांचे कुटुंबीय आरोपींना जाब विचारण्यासाठी गेले होते.
दरम्यान पाचही जणांसह त्यांच्या साथीदारांनी महिलेची सून काया उफाडे हिच्या तोंडावर, डोक्यावर चाकुने वार करून गंभीर जखमी केले. जखमी काया उफाडे हिला मेडिकलमध्ये दाखल करण्यात आले. अजनी पोलिस ठाण्यात नागरिकांनी घेराव घातला आणि आरोपींना अटक करण्याची मागणी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.