नागपूर : राष्ट्रीय स्वयंसेवक संघाच्या बाल व शिशू स्वयंसेवकांच्या शस्त्रपूजन व विजयादशमी उत्सवाचे आयोजन करण्यात आले. शहरातील १२ भागामधील ३९ मैदानांवर एकाच वेळी या उत्सवाचे आयोजन करण्यात आले. शिस्तबद्ध संचलन अन् लयबद्धतेसह प्रात्यक्षिकांमधून लहान मुलांमध्ये चैतन्य आणि जोश दिसून आला.

स्वयंसेवक संघातर्फे रेशीमबाग मैदानावर पाच ऑक्टोबरला विजयादशमी उत्सवाचे आयोजन करण्यात आले आहे. तत्पूर्वी रविवारी सायंकाळी शस्त्रपूजन व सायंकाळी विजयादशमी सोहळ्याचे आयोजन शहरातील ३९ मैदानांवर करण्यात आले होते.