नागपूर ः आयुष्याच्या वेलीवर लग्न भावबंधनात जोडणारा आनंददायी सोहळा असतो . वसंत ऋतूत फुलणाऱ्या फुलांसारखा संसारातही सुखाच्या फुलांची उधळण व्हावी आणि हृदयात जपलेल्या नात्यांचे , मैत्रीचे आशीर्वाद द्यावे , असे प्रत्येकांना वाटते . मात्र काळ खडतर असला तर जिवाभावाच्या पाल्याडही जाता येत नाही . सध्याचा काळ हा महामारीचा आहे . या काळात प्रत्येकालाच स्वतःसह कुटुंबाची काळजी वाटते . कोरोनाची लाट नव्याने आली असताना जागरूकव्यक्ती कुटुंबातील व्यक्तीला कुठेही भटकू देणार नाही . पण जिवाभावाच्या मैत्रिणीचे लग्न असताना सोहळ्याला जाता येत नसेल तर पुढच्या सखीने काय करावे ? आपले मन कितीही संवेदनशील असले तरी ठेच लागू नये , यासाठी थांबले पाहिजे.

पतीने प्राणप्रिय मैत्रिणीच्या लग्नसोहळ्याला जाऊ दिले नाही , याक्षुल्लक कारणावरून संतापलेल्या नवविवाहितेने टोकाचे पाऊल उचलत गळफास लावून आत्महत्या केल्याची खळबळजनक घटनावाडी पोलीस ठाण्यांतर्गत सोनबानगरात उघडकीस आली . शुभांगी आशिष मेश्राम (२५) असे मृतक नवविवाहितेचे नाव आहे.

नागपूर ब्रेकिंग : शनिवारी, रविवारी बाजारपेठा तर शाळा, महाविद्यालये ७ मार्चपर्यंत बंद

उपराजधानी पुन्हा कोरोनाच्या विळख्यात सापडली असताना मैत्रिणीच्या लग्नाला जाऊ दिले नाही म्हणून शुभांगीने आत्महत्या करून आयुष्याचा अखेर केला . नवदाम्पत्याच्या अभिनंदन आणि शुभेच्छांसाठी मोबाइल होता किंवा कोरोना लाट कमी झाल्यानंतरही तिला मैत्रिणीची भेट घेता आली असती . मात्र कोणताही विचार न करता तिने संतापाच्या भरात आयुष्याची राख करून टाकली . तिच्या आत्महत्येने परिसरात हळहळ व्यक्त होत आहे . 

कोरोना वाढतोय जाऊ नकोस 

सुखी संसाराची स्वप्ने बघणाऱ्या मैत्रिणीवर आभाळ कोसळले नसेल काय ? काहीच महिन्यांपूर्वी तिचेलग्न झाले होते . ती खडगाव मार्गावरील सोनबानगर येथे वास्तव्याला होती.तिचा पती आशिष मेश्राम हे सुरक्षारक्षक म्हणून काम करतो . रविवार , २१ फेब्रुवारीला नागपूर येथे शुभांगीच्या मैत्रिणीचे लग्न होते . या लग्नाला जाण्यासाठी तिने पतीकडे हट्ट धरला होता . जिवाभावाची मैत्रीण असल्यामुळे तीसुद्धा वारंवार शुभांगीला फोन करीत होती , पण पतीने बाहेर कोरोनाचा प्रसार खूप झपाट्याने होत असल्याचे कारण सांगून तिला जाण्यास विरोध केला . 

एका क्षणात संपवलं जीवन 

गेल्या दोन दिवसांपासून दोघांमध्ये या विषयावरून भांडण सुरू होते . शनिवारी सकाळी दोघांमध्ये पुन्हा वाद झाला . पतीने पत्नीला लग्नाला जाण्यास स्पष्ट नकार दिला आणि तो कामावर निघून गेला . मात्र पत्नीच्या विस्कटलेल्या मनात जरा वेगळेच विचारचक्र सुरू होते . तिने मैत्रिणीच्या लग्नाला जाऊ दिले नाही म्हणून रागाच्या भरात शनिवारी दुपारी २ वाजताच्या सुमारास राहत्या घरी सीलिंग करू फॅनच्या हुकला ओढणीच्या साहाय्याने गळफास लावून जीवनयात्रा संपविली.

नक्की वाचा - ‘मला अंत्ययात्रेला का जाऊ दिले नाही’ असे वडिलांनी...

पतीला दिसला मृतदेह 

एका लग्नसोहळ्याच्या हुलकावणीने नवविवाहितेचा बळी घेतला पण मैत्रीला नाव नसताना शुभेच्छाही कोरड्या बनून गेल्या . पती दुपारच्या सुमारास घरी आला तेव्हा शुभांगी गळफास घेतलेल्या स्थितीत आढळली . वाडी पोलिसांना घटनेची माहिती मिळताच घटनास्थळी दाखल झाले . मृतदेहाचा पंचनामा करून उत्तरीय तपासणीसाठी रवाना केला . या प्रकरणी वाडी पोलिसांनी आकस्मिक मृत्यूची नोंद करून तपास सुरू केला . मात्र आत्महत्या करून शुभांगी पतीसह मैत्रिणीला भविष्याचे दुःख देऊन गेली.

संपादन - अथर्व महांकाळ