Ramtek Lok Sabha Election: रामटेक लोकसभा मतदारसंघाने नागपूर शहराला वेढले आहे. भौगोलिक क्षेत्र प्रचंड मोठे असलेल्या या मतदारसंघातील सावनेर आणि उमरेड विधानसभा मतदारसंघात काँग्रेस, काटोलमध्ये राष्ट्रवादी काँग्रेस, हिंगणा आणि कामठी विधानसभा मतदारसंघात भाजपचे आमदार आहे. रामटेक विधानसभा मतदारसंघाचे आमदार शिंदेगटात सहभागी झाले आहेत. अनुसूचित जातीसाठी राखीव असलेल्या या मतदारसंघात काँग्रेस आणि शिवसेनेला विजयाची समान संधी आहे. रश्मी बर्वेंचं जातवैधता प्रमाणपत्र रद्द झाल्याने त्यांचे पती मविआचे उमेदवार ठरू शकतात.

२०१९चे चित्र

कृपाल तुमाने (शिवसेना) विजयी मते : ५९७१२६

किशोर गजभिये (काँग्रेस) मते : ४७०३४३

सुभाष गजभिये (बसप) मते : ४४३२७

किरण पाटणकर (वंचित आघाडी) मते : ३६३४०

विजयी उमेदवारांचे मताधिक्य : १२६७८३

वर्चस्व

२००४ : शिवसेना

२००९ : काँग्रेस

२०१४ : शिवसेना

२०१९ : शिवसेना

सद्य:स्थिती

‘मविआ’चा उमेदवार अद्याप निश्चित नाही

शिंदे सेनेने दावा केला असला तरी भाजपला हा मतदारसंघ हवा

भाजप आणि शिवसेनेचा हिंदू दलित उमेदवार देण्यावर भर

काँग्रेसचे आमदार व माजी मंत्री सुनील केदार यांची भूमिका महत्त्वाची

हे प्रभावी मुद्दे...

सर्व विकास नागपूरला शहराला लागून असलेल्या भागांमध्येच

रोजगारासाठी मोठ्या प्रमाणात नागपूर शहरात युवकांचे स्थलांतर

एमआयडीसीमध्ये स्थानिकांना फारसा रोजगार नाही

नगर परिषद, पंचायत समित्यांची सुमारे दोन वर्षांपासून निवडणूक नसल्याने स्थानिकांमध्ये रोष