nagpur uniersity sakal
नागपूर

विद्यापीठाच्या सिंथेटिक ट्रॅकचे काम सुसाट

सहा महिन्यांत होणार पूर्ण, नागपूरकर धावपटूंसाठी दुहेरी गिफ्ट

सकाळ वृत्तसेवा

नागपूर : राष्ट्रसंत तुकडोजी महाराज नागपूर विद्यापीठाच्या (nagpur university)मैदानावरील अद्ययावत सिंथेटिक ट्रॅकचे ( synthetic tracks)काम वेगाने सुरू असून, येत्या सहा महिन्यांत बांधकाम पूर्ण होण्याची शक्यता आहे. त्यामुळे विद्यापीठाच्या धावपटूंना आता लवकरच सरावासाठी स्वतःचा व हक्काचा ट्रॅक मिळणार आहे.नागपूर विद्यापीठाच्या धावपटूंसाठी आंतरराष्ट्रीय दर्जाचा ट्रॅक असावा, अशी अनेक वर्षांपासूनची मागणी होती. त्यांची प्रतीक्षा आता संपणार आहे. जुलै महिन्यात केंद्रीय मंत्री नितीन गडकरी (central minister nitin gadkari)यांच्या हस्ते भूमिपूजन झाल्यानंतर ट्रॅकच्या प्रत्यक्ष कामाला सुरुवात झाली आहे.

बांधकाम झपाट्याने सुरू असून, सहा महिन्यांत म्हणजेच येत्या जूनपर्यंत पूर्ण करण्यात येणार असल्याची माहिती, विद्यापीठाच्या क्रीडा व शारीरिक शिक्षण विभागाचे संचालक डॉ. शरद सूर्यवंशी यांनी दिली. सूर्यवंशी म्हणाले, ड्रेनेजचे काम शेवटच्या टप्प्यात असून, उर्वरित कामही ''नॉन स्टॉप'' सुरू आहे. त्यामुळे बांधकाम निर्धारित वेळेत पूर्ण होईल, अशी अपेक्षा आहे. जुन्या शिंडर ट्रॅकमध्ये असलेले दोषही दूर करण्यात येणार असल्याचे सूर्यवंशी यांनी यावेळी सांगितले.

जवळपास साडेदहा कोटी रुपये खर्च करून व विद्यापीठाच्या स्वतःच्या पैशातून बांधण्यात येत असलेल्या या ट्रॅकच्या बांधकामाचे कंत्राट सार्वजनिक बांधकाम विभागाने मुंबईस्थित ‘स्पोर्ट्स फॅसिलिटीज’कडे सोपविण्यात आले आहे. एकूण आठ लेन असलेल्या या ट्रॅकच्या बाजूला लांब उडी व तिहेरी उडीसाठी दोन ‘जम्पिंग पीट’ राहणार आहे. तसेच मैदानाच्या चारही बाजूंनी फ्लडलाईट्‌सची व्यवस्था आणि हातोडा व गोळाफेकीसाठी विशेष प्रकारचा पिंजरा राहणार आहे.

''विद्यापीठाचा स्वतःचा (nagpur university)सिंथेटिक ट्रॅक असावा, अशी आमची अनेक वर्षांपासूनची इच्छा होती. उशिरा का होईना ट्रॅकचे बांधकाम सुरू झाले आहे. प्रगतिपथावर असलेले हे काम निर्धारित वेळेत व्हावे, यासाठी कुलगुरूंसह सर्व जण प्रयत्न करीत आहेत. त्यामुळे पावसाळ्यापूर्वी ट्रॅक पूर्ण होईल, अशी अपेक्षा आहे.''

-डॉ. शरद सूर्यवंशी, (संचालक, शारीरिक शिक्षण विभाग, नागपूर विद्यापीठ)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mumbai Assembly Election Results 2024 LIVE Counting: मनसे शिंदेंच्या लढतीचा आदित्य ठाकरेंचा फायदा

Maharashtra Assembly Election Result : महायुती सत्तास्थापनेजवळ; महाविकास आघाडीचीही कडवी झुंज

Maharashtra Assembly Election 2024 Results Vote Counting Live Updates: दक्षिण कराडमध्ये काँग्रेसचे पृथ्वीराज चव्हाण यांना मोठा धक्का

नुकतीच पार पडलेली ब्राइड टू बी पार्टी; आता बॅचलर पार्टीसाठी थायलंडला पोहोचली मराठी अभिनेत्री; पाहा झक्कास फोटो

Winter Diet: आहारात 'या' 5 पदार्थांचा करा समावेश, हिवाळ्यात राहाल निरोगी

SCROLL FOR NEXT