नागपूर : मुंबईत एका बहुमजली इमारतीमध्ये फ्लॅट विक्रीच्या बहाण्याने नागपुरातीन दोन डॉक्टरांची रिॲलिटी कंपनीच्या संचालकांनी चार कोंटींनी फसवणूक केली. याप्रकरणी वाडी पोलिस ठाण्यात डॉ. संतोष तिवारी (वय ४४ रा. गोकुळपेठ) यांच्या तक्रारीवरून ‘मात्रा रिॲलिटी ॲण्ड डेव्हलपर प्रा. लि. कंपनी’च्या पाच संचालकांविरोधात गुन्हा दाखल केला आहे.

अरुण खन्ना, दर्शन मेहता, , रमन खन्ना, आर्यमन खन्ना, होजेफा अमरेलीवाला, अशी आरोपींची नावे आहेत. डॉ. तिवारी हे व्हाइट क्लिफ डेव्हलपर्स प्रा. लि.चे संचालक आहेत. २०१६ मध्ये त्यांनी मुंबईतील सेनापती बापट मार्गावर असलेल्या १८ मजली इमारतीमध्ये दोन फ्लॅट खरेदीचा व्यवहार केला. धनादेशाद्वारे ही रक्कमही दिली.

वाडी पोलिस ठाण्याच्या हद्दीत हा व्यवहार झाला. पैसे दिल्यानंतरही तिवारी यांना रजिस्ट्री करून दिली नाही. जुलै २०१८ मध्ये मात्राने तिवारी यांना दोन कोटी ५८ लाखांचा धनादेश दिला. पण तो वटला नाही. दुसरा धनादेश देण्याच्या बहाण्याने तिवारी यांच्याकडून पहिला धनादेश परत घेण्यात आला. त्यानंतरही त्यांना पैसे परत मिळाले नाही. यावरून पोलिसांनी गुन्हा दाखल करीत तपास सुरू केला आहे.