उमरखेड (जि. यवतमाळ) : २४ डिसेंबर रोजी शहरातील वसंत नगर भागात भाड्याच्या खोलीत राहणाऱ्या जिल्हा दंगल पथकातील पोलीस कर्मचारी यांच्या कडे २० वर्षीय गंगा नामक तरुणीने आत्महत्या (Suicide) केली त्या प्रकरणी आरोपी पोलीस कमर्चारी विजय हटकर (४२) यांना २५ डिसेंबर ला रात्रीला उमरखेड ठाणेदार यांनी अटक (Arrest) केली असुन घटनेतील आरोपी विजय ला आत्महत्येस प्रवृत करून आत्याचार केल्या प्रकरणी २ जानेवारी पर्यंत पोलीस कस्टडी (Police Custody) मिळाली आहे. अशी माहिती उमरखेड चे ठाणेदार अमोल माळवे यांनी दिली.

अनेक वेळा नागरिक पोलीसांकडुन मदती करिता धावधाव करतात आणि त्याच पोलीस कर्मचारी यांनी महिलांवर अत्याचार केल्या जातात त्यामुळे या बाहेर आलेल्या प्रकारामुळे पोलीस खात्याची प्रतिमा मल्लीन झाल्याचे स्पष्ट झाले आहे. मृत गंगा कोरडे ( २० ) हि तरुणी पुसद तालुक्यातील वेणी येथील रहिवाशी आहे या मुलीला आरोपी पोलीस कर्मचारी विजय हटकर (४२) यांनी पोलीस नौकरी लावुन देतो म्हणुन उमरखेड येथील खासगी पोलीस प्रशिक्षण अॅकाडमी मध्ये प्रवेश मिळवुन देउन लग्नांचे अमिस दाखवुन स्वतच्या घरी ठेऊन अत्याचार केला हे मृतक गंगा चे वडिल संजय कोरडे रा. वेणी ता. पुसद यांच्या फिर्यादीतुन व शवविच्छेदन अहवालातुन निष्पन्न झाले आहे.

आरोपी विजय हा जिल्हा दंगल नियंत्रन पथकामध्ये कार्यरत होता आणि त्यांची कामगिरी नियुक्ती बंदोबस्त कामी उमरखेड येथे देण्यात आली होती. आणि तो ६ डिसेंबर पासुन रजेवर होता अशीही माहिती ठाणेदार माळवे यांनी पत्रकारांना दिली.

आरोपी विजय हटकर ( ४२ ) रा उमरखेड यांच्या विरुद्ध मृतक तरुणीचे वडिल यांच्या फिर्यादी वरुण उमरखेड पोलीसांनी भा द वि ३७६ , ३०६ ( २ ) ( एन ) , ३६६ नुसार गुन्हा नोंदवुन अटक केली आहे.