अमरावती - सर्वसामान्यांच्या आहारातील मुख्य असलेला बटाटा यंदा वर्षभर महागण्याची शक्यता आहे. घाऊक बाजारात बटाट्याची आवक मंदावल्याने बटाट्याच्या दरात वाढ झाली. उत्तर प्रदेशातील आग्रा येथून सध्या बटाट्याची आवक होत आहे. यंदाच्या वर्षी बटाट्याचे दर तेजीत राहण्याची शक्यता विक्रेत्यांनी वर्तविली आहे. किरकोळ बाजारात एक किलो बटाट्याचे दर प्रतवारीनुसार 30 ते 40 रुपये आहेत.
बटाट्याची सर्वाधिक लागवड उत्तर प्रदेश व मध्य प्रदेशात होते. आग्रा, इंदूर येथील बाजारपेठेतून देशभरात बटाटा विक्रीस पाठविण्यात येतो. आग्रा, इंदूर येथील बाजारपेठेतील घाऊक बाजारात प्रतवारीनुसार एक किलो बटाट्याला 18 ते 20 रुपये दर मिळाला आहे. आग्रा येथील बटाट्याची आवक कमी झाल्याने सध्या बाजारात बटाट्याला चांगले दर मिळत असून किरकोळ बाजारात 30 ते 40 रुपये दराने विक्री केली जात आहे.
उत्तर व मध्य प्रदेशासोबतच पुणे व नाशिकमधूनही बाजारात बटाट्याची आवक होते. मागणीच्या तुलनेत या बटाटाट्याची आवक कमी पडते. त्यामुळे परराज्यातील बटाट्याला वर्षभर मागणी असते. मार्केट यार्डातील घाऊक बाजारात दररोज उत्तर प्रदेश, मध्य प्रदेशातून मिळून साधारणपणे 450 ते 470 क्विंटल बटाट्याची आवक होत आहे. अवकाळी पावसामुळे गावरान बटाट्याच्या लागवडीवर परिणाम झाल्याने सध्या बाजारात बटाट्याचा तुटवडा जाणवत असून परिणामी किरकोळ बाजारात वाढ झाली आहे.
बटाटा उत्पादक प्रदेशांमध्ये बटाटा लागवड 20 टक्क्यांनी कमी झाली आहे. त्यामुळे बटाट्याचे दर यंदा वर्षभर तेजीत राहणार आहेत. किरकोळ बाजारात बटाट्याचे दर साधारणपणे 30 ते 40 रुपये प्रति किलो आहेत. वाहतूक खर्च तसेच अन्य खर्च विचारात घेता किरकोळ बाजारात बटाट्याचे दर तेजीत राहणार आहेत.
- शंकर खारकर, थोक विक्रेता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.