बुलडाणा : जम्मू काश्मीरमध्ये दहशतवाद्यांसोबत झालेल्या चकमकीत सैन्यात कार्यरत असलेले बुलडाण्याचा सुपुत्र शहीद झाले. पळसखेड नागो या गावातील रहिवासी असलेल्या दीपक बनसोडे यांना जम्मू-काश्मीरमध्ये वीरमरण आले.
त्यांच्या पार्थिवावर त्यांच्या मूळगावी २५ सप्टेंबर रोजी शासकीय इतमामामध्ये अंत्यसंस्कार करण्यात येणार आहे. दीपक बनसोडे यांच्या शहीद झाल्याची बातमी कळताच कुटुंबीयांना मोठा धक्का बसला आहे. पळसखेड नागो या गावावर सध्या शोककळा पसरली आहे.
दीपक बनसोडे यांचे पळसखेड नागो या मूळ गावीच लहानाचे मोठे झाले. याच गावामध्ये त्यांनी शिक्षण घेतलं. दीपक बनसोडे हे पाच वर्षापूर्वी सैन्यात भरती झाले होते. ते जम्मू-काश्मीरमध्ये तैनात होते.
जम्मू-काश्मीरमधील कुपवाडा जिल्ह्यातील हंदवारामधील नौगाव सेक्टरमध्ये २२ तारखेला रात्री झालेल्या घटनेत ते शहीद झाल्याची माहिती प्राप्त झाली आहे. दीपक यांची पत्नी पोलिस दलात कार्यरत आहेत. २४ सप्टेंबरला दीपक हे सुट्टीवर गावी येणार होते.
मात्र त्याआधीच त्यांना वीरमरण आले. दीपक यांचे पार्थिव बुधवारी ता.२५ सप्टेंबरला त्यांच्या मुळगावी पळसखेड नागो येथे आणण्यात येणार आहे. तिथे त्यांच्यावर शासकीय इतमामात अंत्यसंस्कार होतील, अशी माहिती जिल्हा सैनिक कल्याण कार्यालयाने दिली आहे. दीपक यांच्या निधनाबद्दल श्रीनगर येथील चिनार कॉर्पच्या अधिकाऱ्यांनी संवेदना व्यक्त केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.