कारंजा (घा.) - गावाकडे परत येत असताना भरधाव दुचाकी उभ्या ट्रकवर आदळली. या अपघातात दोन जण जागीच ठार झाले. ही घटना कारंजा लगत ठाणेगाव येथे गुरुवारी (ता. १०) रात्रीच्या सुमारास घडली. राहुल बन्नगरे (वय ३५) रा. धावडी (बु.) आणि प्रवीण रेवतकर (वय ३८) रा. बिहाडी अशी मृतांची नावे आहेत. तर रनवीर सोलंकी (वय ४२) रा.कारंजा असे जखमीचे नाव आहे.
पोलिसांनी दिलेल्या माहितीनुसार, राहुल बन्नगरे, प्रवीण रेवतकर आणि रनवीर सोलंकी हे तिघे हेटीकुंडी येथील काम आटोपून गावाकडे परत येत होते. दरम्यान पाऊस सुरू झाल्याने त्यांना समोरचा ट्रक दिसला नाही. यात ते ट्रकवर आदळले.
यात राहुल आणि प्रवीण रेवतकर हे जागीच ठारे झाले. तर रनवीर गंभीर जखमी झाला. जखमीला नागपूर येथे उपचारासाठी नेण्यात आले आहे. अपघाताची माहिती मिळताच ठाणेदार महेश भोरटेकर, फौजदार निलेश मुंडे, किशोर कापडे, मंगेश मिलके यांनी घटनास्थळी भेट देत पंचनामा केला.
कारंजा पोलिस ठाण्यात गुन्हा नोंद करण्यात आला असून ट्रक चालक पुरुषोत्तम वेळूकर रा. बिडगाव ता. कामठी याला अटक करण्यात आली असून पुढील तपास सुरू आहे. हा ट्रॅक रस्त्यावर उभा असताना त्याचे इंडिकेटर बंद असल्याचे प्रत्यक्षदर्शी नागरिकांनी सांगितले.
अपघातात मृत्यू झालेल्या दोघेही विवाहित होते. त्यामुळे त्यांच्या अकाली मृत्यू झाल्याने त्यांचा संसार उघड्यावर आला आहे. आज दोघांवरही त्यांच्या गावात अंत्यसंस्कार करण्यात आले. या अपघातामुळे तालुक्यात सर्वत्र हळहळ व्यक्त होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.