यवतमाळ : जिल्हा पोलिस दलात जिल्हा पोलिस अधीक्षक डॉ. दिलीप पाटील भुजबळ रुजू झाल्यापासून पोलिस अधिकारी, कर्मचाऱ्यांच्या बदल्यांचे सत्र सुरू झाले आहे. सोमवारी पोलिस अधीक्षकांनी पुन्हा एकदा झटका दिला. बदल्यांची तिसरी यादी जाहीर झाली. यात पाच पोलिस निरिक्षकांसह चार साहायक पोलिस निरीक्षकांची बदली करण्यात आली.
जिल्हा पोलिस आस्थापना मंडळाची सोमवारी (ता.15) बैठक झाली. बैठकीत प्रशासकीय कारणास्तव तसेच कसुरीवरुन नऊ पोलिस अधिकाऱ्यांच्या बदल्या करण्यात आल्या आहेत. नियंत्रण कक्षातील पोलिस निरीक्षक रवींद्र जेधे यांच्याकडे वसंतनगर ठाण्याचा तात्पुरता प्रभार देण्यात आला आहे. पोलिस निरीक्षक किशोर जुनघरे यांची यवतमाळ सायबर सेल प्रभारी अधिकारी म्हणून बदली करण्यात आली.
पोलिस निरीक्षक प्रवीण नाचणकर यांनी पुसद ग्रामिण पोलिस ठाण्यात पोलिस निरीक्षक (गुन्हे) म्हणून, पोलिस निरीक्षक सुरेश मस्के यांची पुसद शहर पोलिस ठाण्यात पोलिस निरीक्षक (गुन्हे) म्हणून बदली करण्यात आली. पाटण पोलिस स्टेशनचे ठाणेदार साहायक पोलिस निरीक्षक अमोल बारापात्रे यांची नियंत्रण कक्षात बदली करण्यात आली.
पांढरकवडा पोलिस ठाण्यातील साहायक पोलिस निरीक्षक संगिता हेलोंडे यांच्याकडे पाटण पोलिस स्टेशनचा तात्पुरता प्रभार देण्यात आला. पांढरकवडा वाहतूक नियंत्रण उपशाखा पथक प्रमुख भरत चापईतकर यांची पांढरकवडा पोलिस ठाण्यात तर दारव्हा पोलिस ठाण्यातील साहायक पोलिस निरीक्षक प्रवीण लिंगाडे यांची पांढरकवडा वाहतूक नियंत्रण उपशाखा पथक प्रमुख म्हणून वर्णी लागली.
संपादन - अथर्व महांकाळ
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.