शेगाव : गौण खनिज वाहतूक करणाऱ्या एका पिवळ्या रंगाचे भरधाव टिप्परने चिन्मय स्कूलच्या बसला कट मारून एका अँपेला जोरदार धडक मारली. या अपघातात अँपे चालकासह दोन जण ठार तर तीन प्रवासी गंभीर जखमी झाले तसेच अँपेचा चुराडा झाला आहे.सदर घटना बुधवारी खामगाव शेगाव रोडवर टाकळी विरो फाट्या ते लासुरा फाट्या दरम्यान घडली.

सुटाळपुरा खामगाव येथील अॅटोचालक चंद्रकांत तुळशीराम पाचपोर यांचा जागेवरच मृत्यू झाला.तर यातील चार जखमींना तातडीने खामगाव येथील सामान्य रूग्णालयात नेण्यात आले.त्यांचेवर उपचार सुरू असताना यातील आणखी एकाचा मृत्यू झाला अशी माहिती ग्रामीण पोलीस स्टेशनचे ठाणेदार प्रवीण लिंगाडे यांनी दिली.

मृतकच्या खिशातील या नावाचे आधार कार्ड मिळाल्याने त्याची ओळख पटली असल्याचे पोलिस सूत्राकडून सांगण्यात आले . या अँपेला धडक देऊन पिवळ्या रंगाचा टिप्पर चालक गाडी सह तिथून फरार झाला आहे.त्याचा शोध पोलीस घेत आहेत.या अपघातामधील सर्व जखमींना खामगाव येथील रुग्णालयात व तेथून अकोला येथे रेफर करण्यात आले असल्याची माहिती प्राप्त झाली आहे.

सदर अपघात मध्ये ऑटो चालक चंद्रकांत पाचपोर राहणार सुटाळपुरा खामगाव,शालिग्राम पारस्कर रा. वडाळी हे दोघे ठार तर नर्मदाबाई धनोकार रा.पळशी बुद्रुक, वैशाली अजय तायडे रा. वरखेड , विजय आघाव रा. शेगाव हे गंभीर जखमी झाल्याने त्यांना अकोला येथे उपचारासाठी रेफर करण्यात आले आहे.

प्रकरणी पोलीस तपास सुरू होता रात्री ९ वाजे पर्यंत शेगाव पोलीस ग्रामीण पोलीस स्टेशनमध्ये गुन्हा नोंदविण्यात आलेला नव्हता. शेगाव ग्रामीण पोलिस घटनास्थळी दाखल होवून पंचनामा केला. सुदैवाने शाळेच्या या बसमध्ये कोणताही विद्यार्थी नव्हता .