A young farmer from Mozari erected an LED light fence around the field 
विदर्भ

रात्रीच्या अंधारात लाइटच्या झगमगाटाने चकाकते शेत; पिकांच्या संरक्षणासाठी अनोखी शक्कल

संदीप राऊत

मोझरी (जि. अमरावती) : सध्या तंत्रज्ञानाच्या साहाय्याने युवकांच्या कल्पक बुद्धिमत्तेतून नवनवीन स्टार्टअप उदयास येताना दिसत आहे. परंतु, कुठल्याही कार्यशाळेत तांत्रिक शिक्षण न घेता निव्वळ इच्छाशक्तीच्या जोरावर मोझरी येथील युवा शेतकऱ्याने वन्यप्राण्यांपासून पिकांचे संरक्षण करण्यासाठी एक नवीच शक्कल शोधून काढली. त्याने संपूर्ण शेताभोवती कुंपणाला एलईडी लाइट लावले. विशेष म्हणजे त्याची ही शक्कल यशस्वीही झाली आहे. या युवकाचे नाव शहजाद रज्जाक शेख असून तो मोझरी येथील रहिवासी आहे.

शहजाद रज्जाक शेख याने दोन एकर शेतात हरभऱ्याची लागवड केली. यावेळी पहिल्यांदाच समाधानकारक उत्पन्नाची अपेक्षा आहे. परंतु वन्यप्राण्यांच्या हैदोसामुळे रात्रंदिवस शेताचे रक्षण करूनही नुकसान टाळता येत नव्हते. यापूर्वी वन्यप्राण्यांनी कपाशी व मका पिकाचे अतोनात नुकसान केले. त्यामुळे काहीही झाले तरी चालेल, पण वन्यप्राण्यांचा बंदोबस्त करण्याचा निर्धार शहजादने केला.

त्याने संपूर्ण शेताभोवती एलईडी लाईटचे कुंपणच घातले आणि विशेष म्हणजे तेही अतिशय कमी खर्चात. कौतुकाची बाब म्हणजे त्याचा हा अनोखा प्रयोग यशस्वीही झाला. या प्रयोगामुळे वन्यप्राण्यांचा त्रास आटोक्‍यात आला असून रात्रीच्या अंधारात लाइटच्या झगमगाटाने चकाकणारे शेत पाहण्यासाठी परिसरातील शेतकरी कुतुहलाने हजेरी लावताना दिसून येत आहेत. 

स्वस्त व सुरक्षित उपाय

शेतात वन्यप्राण्यांच्या हैदोसामुळे अनेक शेतकरी हतबल झाले आहेत. वन्यप्राण्यांमुळे होणारे पिकांचे नुकसान टाळण्यासाठी अनेकजण शेताच्या तारेच्या कुंपणात वीजप्रवाह सोडतात. परंतु यात वन्यप्राण्यांसह मणुष्यहानी झाल्याच्या अनेक घटना घडल्या आहेत. तेव्हा एलईडी लाइटचे कुंपण अत्यंत सुरक्षित असून हा प्रयोग शंभर टक्‍के साध्य झाला आहे. रेजिस्टन्स, वायर व बॅटरीच्या साहाय्याने हे कुंपण तयार केले असून यासाठी प्रती एकर पाचशे ते सहाशे रुपये खर्च येतो, अशी माहिती शहजाद शेख याने दिली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

जनसंघ पक्ष म्हणून १९६२मध्ये निवडणुकीत उतरला; पहिल्या प्रयत्नात ० जागा, नंतर 'फिनिक्स'झेप, २०२४ मध्ये भाजपचा चढता आलेख किंगमेकर ठरला!

Maharashtra Assembly Election Result: भाजप पुन्हा नंबर वन, जवळपास ७० टक्के जागा जिंकण्याचा घडविला विक्रम

Maharashtra Election 2024: पंतप्रधान मोदींनी शिंदे-फडणवीस-पवारांचे केले अभिनंदन, म्हणाले, महाराष्ट्रात सत्याचा विजय

Mumbai Assembly Election Results 2024 LIVE Counting: निकालाच्या दिवशी मुंबईत नक्की काय घडलं? वाचा एका क्लिकवर!

Daund Election Result 2024 : दौंड- राहुल कुल यांची हॅटट्रिक, १३ हजार मतांच्या फरकाने विजयी..!

SCROLL FOR NEXT