भंडारा : वाटाण्याचा चुरणा करणाऱ्या थ्रेशरमध्ये दबून एका 27 वर्षीय युवकाचा मृत्यू झाला. पवनी तालुक्यातील वलनी येथे ही धक्कादायक घटना घडली. स्वप्निल भांडे (वय 27 वर्षे) रा. बेलाटी ता. लाखांदूर असे मृतक मजुराचे नाव आहे. देशभर संचारबंदी असताना पोटाची आग विझावी म्हणून स्वप्नील कामावर गेला, मात्र काळाला काही वेगळेच मंजूर होते.
शनिवारी दुपारच्या सुमारास वलणी येथील अरुण तिघरे यांच्या शेतात थ्रेशर मशीनच्या सहाय्याने वाटाणा काढण्याचे काम सुरू होते. दरम्यान, नजर चुकीने स्वप्नील भांडे याचा हात मशीनमध्ये ओढल्या गेला. यामुळे त्याचे डोके मशीनमध्ये फसून जबर मार लागला. या अपघातात त्याचा जागीच मृत्यू झाला.
वाटाणा पिकाची मळणी शेवटच्या टप्प्यात असताना ही दुर्देवी घटना घडली. घटनेची माहिती पोलिसांना मिळताच पवनी पोलिस घटनास्थळी पोहचले. नरेश देशमुख यांच्या मालकीचे हे मळणी यंत्र असून यावर 5 मजूर कामावर असून त्यापैकी स्वप्नील हा एक मजूर होता. त्याच्या मृत्यूने गावात हळहळ व्यक्त केल्या जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.