गडचिरोली : गडचिरोली तालुक्यातील मुडझा येथील एका शेतकऱ्याने घरालगत असलेल्या अंगणातील आंब्याच्या झाडाला गळफास घेऊन आपली जीवनयात्रा संपविली. ही धक्कादायक घटना गुरुवार (ता. १) सकाळच्या सुमारास घडली. विशेष म्हणजे शेतकरी आत्महत्येची मुडझा गावातील ही दुसरी घटना आहे. महेंद्र सदाशिव आवळे ( वय ३५ ) रा. मुडझा असे मृताचे नाव आहे.

या घटनेची माहिती मिळताच गडचिरोली पोलिसांनी घटनास्थळ गाठले. महेंद्र आवळे यांनी कोणत्या कारणाने आत्महत्या केली याबाबत अधिकृत माहिती प्राप्त झाली नसली तरी त्याने यावर्षी वैनगंगेला आलेल्या पुरामुळे शेतातील पीक नष्ट झाले. त्यामुळे नैराश्येतून आत्महत्या केल्याचे बोलले जात आहे. यापुर्वी मुडझा गावातील चुधरी नामक शेतकऱ्याने आत्महत्या केल्याची घटना घडली. त्यानंतर पुन्हा महिनाभरानंतर आवळे या शेतकऱ्याने टोकाचे पाऊले उचलले. प्रकरणाचा अधिक तपास पोलिस निरीक्षक अरविंद कतलाम यांच्या मार्गदर्शनात पोलिस कर्मचारी करीत आहेत.

या घटनेची माहिती मिळताच गडचिरोली पोलिसांनी घटनास्थळ गाठले. महेंद्र आवळे यांनी कोणत्या कारणाने आत्महत्या केली याबाबत अधिकृत माहिती प्राप्त झाली नसली तरी त्याने यावर्षी वैनगंगेला आलेल्या पुरामुळे शेतातील पीक नष्ट झाले. त्यामुळे नैराश्येतून आत्महत्या केल्याचे बोलले जात आहे. यापुर्वी मुडझा गावातील चुधरी नामक शेतकऱ्याने आत्महत्या केल्याची घटना घडली. त्यानंतर पुन्हा महिनाभरानंतर आवळे या शेतकऱ्याने टोकाचे पाऊले उचलले. प्रकरणाचा अधिक तपास पोलिस निरीक्षक अरविंद कतलाम यांच्या मार्गदर्शनात पोलिस कर्मचारी करीत आहेत.