राज्यात मराठा आरक्षणासाठी मनोज जरांगे पाटील यांच्याकडून खूप दिवसांपासून आंदोलन सुरू आहे. पण जरांगे यांच्या विरोधात ओबीसी नेत्यांनी देखील आंदोलन सुरू केल्याने राज्यात तणावाचे वातावरण झाल्याचे पाहायला मिळाले. दरम्यान आथा मराठा आंदोलक मनोज जरांगे यांची SEBC आणि EWS बद्दलची मागणी योग्यच असल्याचं भाजप आमदार प्रसाद लाड म्हणाले आहेत.

महाविकास आघाडी सरकारच्या नाकर्तेपणामुळे सर्वोच्च न्यायालयात मराठा आरक्षण टिकू शकले नाही. या आरक्षणाला पर्याय म्हणून ईडब्लूएसची मागणी महायुती सरकारने केली होती. ज्याचा हजारो विद्यार्थ्यांना लाभ झाला आणि आज ईडब्लूएसबद्दल मनोज जरांगेंनी त्याचा पुनरुच्चार केला त्याबद्दल त्यांचे आभार मानतो, असे प्रसाद लाड म्हणाले आहेत.