पिंपरी चिंचवड शहरात वाकड परिसरातील म्हतोबा नगर दत्त मंदिर रोड वाकड येथे रस्ता रुंदीकरणाच्या कामादरम्यान एक मोठा अपघात घडला. हे काम सुरू असताना एक विजेचा खांब कोसळला तो थेट एका हातगाडी चालक भाजी विक्रेत्याच्या डोक्यात. या दुर्घटनेत तो विक्रेता गंभीर जखमी झाला आहे.

यानंतर जवळच्या लोकांनी या हातगाडी चालकाला पुढील उपचारासाठी जवळच्या एका खाजगी रूग्णालयात दाखल केले आहे. विजेचे खांब काढणाऱ्या कंत्राटदाराच्या दुर्लक्षामुळे ही दुर्घटना झाली आहे. या प्रकरणी संबंधित कंत्राटदारावर गुन्हा दाखल करण्यात यावा अशी मागणी स्थानिक नागरिकांनी केली आहे.