अमरावती लोकसभा मतदारसंघाच्या माजी खासदार नवनीत राणा लोकसभेतल्या पराभवानं चांगल्याच व्यथित झालेल्या दिसताहेत. खासदार असताना आपण प्रामाणिकपणे काम केलं तरीही आपल्या पदरी आलेल्या पराभवाबद्दल बोलताना राणा नाराज झालेल्या दिसल्या. लोकसभेतल्या पराभवानंतर मतदारांचे आभार मानण्यासाठी नवनीत राणा सध्या आभार दौरा करत आहेत.

यावेळी एकेठिकाणी भाषण करताना त्या भावूक झालेल्या दिसून आल्या. भाषण करताना नवनीत राणा पहिल्यांदा ढसाढसा रडल्या. त्यांच्या भावना आणि पराभवामुळे त्यांना झालेल्या वेदना स्पष्टपणे त्यांच्या डोळ्यातून ओघळत होत्या. मतदारांप्रती कृतज्ञता व्यक्त करताना त्यांनी आपल्या कार्यकाळातील कामांचा आढावा घेतला आणि भविष्याच्या संकल्पांचा उल्लेख केला.