आमदार किशोर दराडे यांचा एक व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओमध्ये पुणेकराने आमदारांना आणि त्यांच्या चालकाला भररस्त्यात चांगलाच झापलेले दिसत आहे. गाडीला सायरन आणि सीटबेल्ट नसल्यामुळे पुणेकराने त्यांच्यावर जोरदार शब्दांत ताशेरे ओढले. हा व्हिडिओ सोशल मीडियावर व्हायरल झाल्यानंतर विविध प्रतिक्रियांचा पूर आला आहे.

पुणेकराच्या या तीव्र प्रतिक्रियेमुळे सोशल मीडियावर आमदार आणि त्यांच्या चालकाची चर्चा रंगली आहे. या घटनेमुळे वाहनचालकांना नियमांचे पालन करण्याचे महत्त्व अधोरेखित झाले आहे. अनेकांनी पुणेकराच्या धाडसाचे कौतुक केले असून, या प्रकारातून सर्वसामान्य नागरिकांना नियमांचे पालन करण्याचा संदेश दिला आहे.