धाराशिवमध्ये सोमवारी राज ठाकरे ज्या हॉटेलमध्ये मुक्कामी होते, त्या हॉटेलमध्ये मराठा आंदोलकांनी गोंधळ घालण्यास सुरुवात केली होती. राज ठाकरे यांनी भेट द्यावी, अशी आंदोलकांची मागणी होती. राज ठाकरे यांनी मराठा आरक्षणाविषयी भूमिका स्पष्ट करावी, अशी मागणी आंदोलकांची आहे. मराठा समाजाला ओबीसीमधून आरक्षण पाहिजे. त्यामुळे नेत्यांनी आपल्या भूमिका स्पष्ट कराव्यात, अशी मागणी करण्यात आली.

त्यानंतर राज ठाकरे यांनी मराठा आंदोलकांना चर्चेसाठी आतमध्ये बोलावलं होतं. आंदोलक आणि राज ठाकरे यांच्यामध्ये यावेळी सविस्तर चर्चा झाली. ''हे सत्ताधारी लोक तुमची मागणी पूर्ण करणार नाहीत.. मी पहिल्यापासून हेच सांगतोय...'' असं राज ठाकरे म्हणाले. विधानसभेची निवडणूक येऊ द्या, मग मी माझी भूमिका स्पष्ट करतो, असंही राज ठाकरे यावेळी म्हणाले.